Тирич Мир нь Пакистаны хойд хэсэгт орших Хиндукушийн уулсын ноён оргил юм. Далайн түвшнээс дээш 7,708 метр өндөртэй бөгөөд дэлхийд 33-т орно. Харин бэлээс нь дээш хэмжвэл 3,098 метр өндөр (дэлхийд 30-д) юм. Хэдийгээр Пакистаны хяналтад байдаг Кашмирт түүнээс өндөр оргилууд байдаг боловч Энэтхэгийн талтай маргаантай тул албан ёсоор Пакистаны хамгийн өндөр цэгт тооцогддог.
Тус оргилд анх 1950 онд Норвегийн уулчдын баг авиран гарчээ. Нутгийнхны домгоор бол Тирич Мирт Жин, чөтгөр, шулам, сүнснүүд амьдардаг тул авиран гарч болдоггүй ажээ. Бараг жил болгон уулчид, аялагчид гүн хавцал уруу унаж амь насаа алддаг.
Тирич Мир гэдэг үг нь Вахи хэлээр "Харанхуйн хаан", "Сүүдрийн хаан" гэсэн утгатай. Учир нь Тирич Мирийн сүүдэр ваханы талыг бүрхдэг ажээ.