Нагш-и Жахан талбай буюу олноо Шах талбай (Перс хэл:ميدان نقش جهان) хэмээн алдаршсан энэхүү талбай нь Исламын бүгд найрамдах Иран улсын Исфахан хотын төвд байрладаг. Уг талбайг тойрон Сафавидын улсын үеийн барилга байгууламжууд оршдог. Шах лалын сүм энэ талбайн өмнө хэсэгт байдаг бөгөөд баруун талд нь Али Капу ордон байдаг. Талбайн зүүн талд Шейх Лотф Аллах сүм, умард талд нь Исфахан их зах оршдог. Өнөөдөр баасан гараг бүрт уг талбайд мөргөл болдог.