Их Баавгай нуур (англ. Great Bear Lake, Славигаар Sahtú, фр. Grand lac de l'Ours) нь бүхлээрээ Канадын нутаг дэвсгэрт оршдог хамгийн том нуур (илүү том Дээд, Хурон нуурууд Канад-Америкийн хил дээр оршдог), мөн Хойд Америкийн гурав дахь эсвэл дөрөв дэх, дэлхийн долоо дахь буюу найм дахь том нуур юм[1]. Засаг захиргааны хувьд Канадын Баруун Хойд Нутаг Дэвсгэрт харьяалагдах тус нуур нь Умард туйлын цагирагт хойд өргөргийн 65-67 хэмийн хооронд, баруун уртрагийн 118-123 хэмийн хооронд, далайн түвшнээс дээш 186 m (610 ft)-т оршино. Ойр орчимд нь хар баавгай, Гриззли баавгай их тархсан байдгаас ийн нэршжээ.
